அத்திபழ பர்பி.
தேவையான பொருட்கள்:
20 அத்திப்பழம்,
5 பேரிச்சம் பழம்,
1 லிட்டர் புல் க்ரீம் மில்க்,
100 கிராம் இனிப்பில்லாத கோவா
,100 கிராம் சர்க்கரை,
1/2 கப் நட்ஸ்,
1 டேபிள்ஸ்பூன் கசகசா,
1ஸ்பூன் ஏலத்தூள்,
3 டேபிள்ஸ்பூன் நெய், விருப்பப்பட்டால் சில்வர் தாள்.
செய்முறை :
அத்திப்பழம் மற்றும் பேரிச்சம் பழம் ஆகிய இரண்டையும் பொடியாக நறுக்கி கொள்ளவும்.
பின் வாணலியில் நெய் விட்டு சூடானதும் நறுக்கிய அத்திப்பழம் மற்றும் பேரிச்சம் பழத்தை
சேர்த்து வதக்கவும்.
மெல்லிய தீயில் வைத்து வதக்கவும் பின் காய்ச்சிய பால் சேர்த்து நன்கு வேகவிடவும்.
பாலுடன் சேர்ந்து அத்திப்பழம் மற்றும் பேரிச்சம் பழம், நன்கு வெந்ததும் பால் முழுவதும்
சுண்டியதும், சர்க்கரை சேர்த்து நன்கு கிளறவும். பின் ஏலத்தூள் நட்ஸ் சேர்த்து நன்கு கிளறவும்.
பின் உதிர்த்த கோவா சேர்த்து நன்கு கிளறவும்.
எல்லாம் சேர்ந்து சுருண்டு வந்ததும் இறக்கி ,நெய் தடவிய ட்ரேயில் வறுத்த கசகசாவை தூவி
விட்டு ,அதன் மேல் இந்த கலவையை கொட்டி சமப்படுத்தி மேலே சில்வர் தாள் ஒட்டி ,அரை மணி
நேரம் வரை செட் செய்யவும். பின் விரும்பிய வடிவில் துண்டுகள் போடவும்.
0
Leave a Reply