25 YEARS OF EXCELLENCE
Weather: -
Saturday Oct 24, 2026
05:30:39am
Weather: -
Saturday Oct 24, 2026
05:30:39am
இசை விழாவில் 'நித்யாஞ்சலி' மாணவர்களின் நடன நாடகம் 'காலத்தின் மகத்துவத்தை' உணர்த்தியது. 52வது தமிழ் இசை விழாவின் ராஜா முத்தையா மன்றத்தில், சிவகாசி "நித்யாஞ்சலி" மாணவர்கள், "மகா காலம்" (காலத்தின் மகத்துவம்) என்ற கருப்பொருள் சார்ந்த தங்களது நடன நாடகத்தின் முதல் அரங்கேற்றத்தை நிகழ்த்தினர்.நடனம் - குரு நிரஞ்சனா அய்யன் கோடீஸ்வரன், பாடல் வரிகள் ராஜபாளையம் ரஜினி பெத்தராஜா, இசை உமா சேகர் ஸ்ரீவில்லிபுத்தூர் மற்றும் பின்னணி பாடகர்கள் உமா, அபிராமி, காமக்ஷி, ரஞ்சித், அபிமன்யு மற்றும் நெல்லை ரவி ஆகியோர் இடம்பெற்றுள்ளனர்.மாணவர்கள் விநாயகப் பெருமானின் ஆசிகளை வேண்டி, 12 மணி நேர அனலாக் நேர முறையைச் சுட்டிக்காட்டி ஒவ்வொரு நிமிடத்தின் முக்கியத்துவத்தையும் விளக்கினர்.பின்னர், எட்டு மாணவர்கள் மீனாட்சி கோவிலில் அஷ்டகால பூஜையுடன் ஆகமத்தின் முக்கியத்துவத்தை சித்தரித்தனர், திருவனந்தாள் பூஜை தொடங்கி பள்ளியறை பூவரை மீனாட்சியை பாலா, பூ வனேஸ்வரி, ஷியாமளா, மாதங்கி, பஞ்சதசாக்ஷி மற்றும் ஷோடசம் என வழிபடும்போது.காலத்தின் படிமத்தைப் பயன்படுத்தி நித்தியமான, மீண்டும் மீண்டும் நிகழும் தன்மையை விளக்கும் உபமன்யுவின் கதையும், அவனது குரு தௌம்யரின் அஸ்வினிகுமாரரின் ஆசீர்வாதங்கள் அவனை அர்க்க இலைகளைச் சூடாக்குவதிலிருந்து காப்பாற்றியதும் மிகச் சிறப்பாகச் சித்தரிக்கப்பட்டிருந்தன. அவர்கள் நடனத்தின் மூலம் புராஸ்தூலம் எதைக் குறிக்கிறது என்பதை விளக்கினர். காலம் என்பது முற்றிலும் மனிதர்களால் உருவாக்கப்படும் ஒரு மாயை என்று போதித்த முனிவர் ரமண மகரிஷி மாணவர்களின் அடுத்த தேர்வு மனமாக இருந்தது (அதில் சில சிறப்பான கால் அசைவுகளும் காணப்பட்டன).மேலும் அவர்கள், சிவபெருமானிடம் கொண்ட உன்னத பக்தியின் மூலம் காலத்தையும் மரணத்தையும் வென்ற மார்க்கண்டேயனின் கதையையும், நித்ரா தேவியின் உதவியுடன் லட்சுமணன் ராமரைக் காக்க உதவும் ஊர்மிள நித்திரையையும் நிகழ்த்திக் காட்டினர். காலம் எல்லாவற்றையும் விழுங்கிவிடும் என்பதை உணர்த்தும் வகையில், காலபைரவரைப் போற்றும் ஆதிசங்கராச்சாரியாரின் எட்டு ஸ்லோகங்கள், பார்வையாளர்களைக் காலத்தைப் பற்றி ஆழ்ந்து சிந்திக்க வைத்தன.ஸ்ரீ பாலா முகுந்தாஷ்டகத்தில் இருந்து கரராவிந்தேன பதராவி-அணையுடன் முடித்தனர்.மின்னணு சாதனங்களும் சோம்பலும் நல்ல காரியங்களைச் செய்வதிலிருந்து நமது நேரத்தை எவ்வாறு எடுத்துக்கொள்கின்றன என்பதைப் பற்றி அந்த நடன நாடகம் பார்வையாளர்களைச் சிந்திக்க வைத்தது.
மாவட்ட சமூகநலத்துறை மற்றும் இராஜபாளையம் மூத்தோர் நலச்சங்கம் இணைந்து நடத்திய இரண்டு நாள் டிஜிட்டல் மற்றும் நிதிக்கல்வித்திட்டம் பற்றிய விழிப்புணர்வு முகாம் இராஜபாளையத்தில் 8.10.26 & 9.10.26 ல் நடைபெற்றது. திருமதி. K.திலகம் மாவட்ட சமூகநல அலுவலர் வரவேற்புரை ஆற்றினார்.திரு.V. ராமலிங்கம், கூடுதல் காவல் கண்கானிப்பாளர், திரு. பொன்பாண்டியன், முதல் நிலைக் காவலர் ஆகியோர் டிஜிட்டல் குற்றங்கள் பற்றிய விழிப்புணர்வு உரையாற்றினார்கள்.திருமதி. சுகந்தி, உதவிக்கருவூல அலுவலர் ஓய்வூதியத்தொகை திட்டம் பற்றி விளக்கினார்.இரண்டாம் நாள் திரு. R.பாலசுப்பிரமணியன், முன்னோடி வங்கி (IOB), வங்கி சேவைகள் பற்றிய விளக்கங்களைக் கூறினார்.திரு. M.R.வெங்கட்ட நாராயண ராஜா, நிதி ஆலோசகர், LIC, முதலீடு, சேமிப்பு மற்றும் ஆயுள் காப்பீட்டு திட்டங்கள் பற்றிய விளக்கங்களை கூறினார்.திரு.ஃபிலிப் மில்டன், மாவட்ட திட்ட மேலாளர், சிறு தொழில்கள் தொடங்குவது, கடனுதவி, மானியம் போன்றவற்றை விளக்கினார்.திருமதி.S.தாரணி, திட்ட ஒருங்கிணைப்பாளர் நன்றியுரையாற்றினார்.முகாம் ஏற்பாடுகளை REWA வின் தலைவர், செயலாளர், பொருளாளர், ஒருங்கிணைப்பாளர்கள் மற்றும் தன்னார்வலர்கள் செய்திருந்தனர்.
மதுரையில் நடைபெற்ற சிறப்பாக வணிகம் புரிந்த முன்னணி முகவர்கள் கூட்டத்தில் திரு வெங்கட் நாராயண ராஜா அவர்களை எல்ஐசி சேர்மன் அவர்கள் கௌரவித்தார். உடன் தென்மண்டல மேலாளர், மதுரைக் கோட்ட மேலாளர் மற்றும் அலுவலர்கள்.Hearty Congratulations to Sri.VENKATANARAYANARAJA who got honour from our most Respected CEO & MD Yesterday.
ராஜபாளையம், oct 2 போதை விழிப்புணர்வு மற்றும் உடல் ஆரோக்கியத்தை வலியுறுத்தி ராஜபாளையத்தில் பெண்களுக்கான நீண்ட தூர நடை போட்டி நடைபெற்றது.காந்தி சிலை ரவுண்டானாவில் தொடங்கிய இப்போட்டியை கே.எஸ்.ஆர். பஸ் கம்பெனி நிர்வாக இயக்குநர் பிரசன்னா கி.மீ. தொடங்கி வைத்தார். 3 கி.மீ. மற்றும் 5 கி.மீ. என இரு பிரிவுகளில் நடைபெற்ற போட்டியில் 18 வயதுக்கு மேற்பட்ட 1,600-க்கும் மேற்பட்ட பெண்கள் பங்கேற்றனர்.காந்தி சிலையில் தொடங்கி ரயில்வே நிலையம், பஞ்சு மார்க்கெட், டி.பி. மில்ஸ் ரோடு வழியாக ஜவகர் மைதானத்தில் போட்டி நிறைவடைந்தது.3 கி.மீ. பிரிவில் ஜோசபின் சுமதியும், 5 கி.மீ. பிரிவில் முகவூரைச் சேர்ந்த முருகலட்சுமியும் முதலிடம் பிடித்தனர்.இந்நிகழ்ச்சிக்கான ஏற்பாடுகளை சமூக ஆர்வலர் சுபா மற்றும் குழுவினர் செய்திருந்தனர்.
ராஜபாளையத்தில் நேற்று மதியம் 1.30 மணியளவில் தொடங்கிய மழை, இரவு 10 மணி வரை நீடித்தது. தொடர்ந்து பெய்த கனமழையால் நகரம் முழுவதும் பல்வேறு பகுதிகளில் மழைநீர் தேங்கியது.ஸ்ரீவில்லிபுத்தூர், சாத்தூர், சிவகாசி, காரியாபட்டி உள்ளிட்ட சுற்றுவட்டாரப் பகுதிகளிலும் பலத்த காற்றுடன் மழை பெய்தது. இதனால் நகர், புறநகர் மற்றும் ஊரகப் பகுதிகளில் சாலைகளில் மழைநீர் தேங்கியதால் வாகன ஓட்டிகள் கடும் சிரமத்திற்கு உள்ளாகினர்.மேலும், தாழ்வான பகுதிகளில் மழைநீருடன் கழிவுநீரும் கலந்து வெள்ளம்போல் பெருக்கெடுத்து ஓடியது. மேற்கு தொடர்ச்சி மலைப் பகுதிகளில் பெய்த கனமழையால் செண்பகத்தோப்பு பேயனாற்று ஓடையிலும் வெள்ளப்பெருக்கு ஏற்பட்டது.
ராஜபாளையத்தில் கோடை கால குடிநீர் தேக்கம் முழுமையாக வறண்டுள்ள நிலையில், தாமிரபரணி கூட்டு குடிநீர் திட்டத்தின் மூலம் கிடைக்கும் தண்ணீரின் அளவும் குறைந்துள்ளது. இதனால் பொதுமக்களுக்கு 7 நாட்களுக்கு ஒருமுறை வழங்கப்பட்டு வந்த குடிநீர் சப்ளை, தற்போது 12 நாட்களுக்கு ஒருமுறை என்ற நிலைக்கு தள்ளப்பட்டுள்ளது. இதே நிலை நீடித்தால் குடிநீர் பிரச்சினை மேலும் மோசமடையும் என பொதுமக்கள் கவலை தெரிவித்துள்ளனர்.ராஜபாளையம் நகரப் பகுதி மக்களின் குடிநீர் தேவைக்கு அய்யனார் கோயில் ஆறு முக்கிய நீராதாரமாக உள்ளது. இங்கு அமைந்துள்ள கோடை கால குடிநீர் தேக்கம் தற்போது முழுமையாக வறண்டுள்ளது. போதிய மழை இல்லாததால் சுற்றுவட்டாரப் பகுதிகளில் உள்ள ஆழ்துளை கிணறுகள் மூலம் கிடைக்கும் தண்ணீர் மற்றும் தாமிரபரணி கூட்டு குடிநீர் திட்டத்தின் மூலம் பெறப்படும் தண்ணீரை கொண்டு நகர மக்களின் குடிநீர் தேவையை சமாளித்து வந்தனர்.இதன்படி, இதுவரை 7 நாட்களுக்கு ஒருமுறை குடிநீர் விநியோகம் செய்யப்பட்டு வந்தது. தற்போது தாமிரபரணி குடிநீர் வரத்து குறைவு, மின்வெட்டு, மோட்டார் பழுது உள்ளிட்ட பல்வேறு காரணங்களால் குடிநீர் விநியோகத்திற்கான இடைவெளி அதிகரித்துள்ளது.இதுகுறித்து அதிகாரிகள் கூறியதாவது:தற்போது குடிநீர் தேக்கம் வறண்டுள்ளதால், அதைச் சுற்றியுள்ள 11 கிணறுகள் மற்றும் 28 ஆழ்துளை குழாய்கள் மூலம் தண்ணீர் பெறப்பட்டு வருகிறது. இதற்காக கிணறுகளில் சுமார் 2 மணி நேரம் தண்ணீர் ஊற வைத்து பின்னர் சேகரிக்கப்படுகிறது.தாமிரபரணி குடிநீர் திட்டத்தில் சங்கரன்கோவில், மானூர் உள்ளிட்ட பகுதிகளில் உள்ள 3 பம்பிங் நிலையங்கள் மூலம் தண்ணீர் பெறப்படுகிறது. அங்கு ஏற்படும் மோட்டார் பழுது, குழாய் கசிவு மற்றும் மின்வெட்டு காரணமாக தண்ணீர் வருவதில் தாமதம் ஏற்படுகிறது.ராஜபாளையத்திற்கு தினமும் 14 எம்.எல்.டி. தண்ணீர் வர வேண்டும். ஆனால் தற்போது 8 முதல் 9 எம்.எல்.டி. அளவு மட்டுமே கிடைக்கிறது. இதனால் உள்ளூர் நீராதாரங்களிலும் தண்ணீர் பற்றாக்குறை ஏற்பட்டுள்ளதால், குடிநீர் விநியோக இடைவெளி 12 நாட்கள் வரை அதிகரித்துள்ளது.அடுத்த வாரத்திற்குள் மோட்டார் பழுதுகள் சரிசெய்யப்பட்டாலோ அல்லது மழை பெய்தாலோ குடிநீர் விநியோக இடைவெளி குறைய வாய்ப்புள்ளது என அதிகாரிகள் தெரிவித்தனர்.
ராஜபாளையம் மற்றும் சுற்றுவட்டார பகுதிகளில் கடந்த சில நாட்களாக வெயிலின் தாக்கம் தொடர்ந்து அதிகரித்து வருகிறது. கடும் வெப்பம் காரணமாக கண்மாய்கள் உள்ளிட்ட நீர்நிலைகள் வறண்டு காணப்படுகின்றன. இதனால் பொதுமக்கள் அத்தியாவசிய தேவைகளுக்காக மட்டுமே வெளியில் செல்வதை வழக்கமாக கொண்டுள்ளனர்.வெயிலின் தாக்கத்தை சமாளிக்க கரும்புச்சாறு, இளநீர், சர்பத், பதனீர், மோர் உள்ளிட்ட குளிர்ச்சியான பானங்களை பொதுமக்கள் அதிகளவில் நாடி வருகின்றனர்.கோடை வெப்பம் அதிகரித்துள்ள நிலையில், இளநீரின் விலையும் கணிசமாக உயர்ந்துள்ளது. ரூ.50 முதல் ரூ.60 வரை விற்பனை செய்யப்பட்டு வந்த செவ்விளநீர் தற்போது ரூ.100-க்கு விற்பனை செய்யப்படுகிறது. இதேபோல் ரூ.40-க்கு விற்கப்பட்ட பச்சை இளநீர் தற்போது ரூ.80 வரை விலை உயர்ந்துள்ளது.இளநீரின் விலை இரு மடங்கு அதிகரித்துள்ளதால் பொதுமக்கள் அதிருப்தி அடைந்துள்ளனர். இருப்பினும், கடும் வெப்பத்தில் இருந்து தப்பிக்க வேறு வழியின்றி அதிக விலை கொடுத்து இளநீரை வாங்கிச் செல்கின்றனர்.வெயிலின் தாக்கம் தொடர்ந்து நீடித்தால், இளநீரின் விலை மேலும் அதிகரிக்க வாய்ப்புள்ளதாக வியாபாரிகள் தெரிவித்தனர்.
சிருங்கேரி ஸ்ரீ சாரதாம்பாள் திருக்கோவில் வித்யாதீர்த்தபுரம், இராஜபாளையம்.சிருங்கேரி ஸ்ரீ சாரதா பீடம்,ஜகத்குரு ஸ்ரீ ஸ்ரீ விதுசேகரபாரதீ ஸ்வாமிகள் அவர்களின் வர்தந்தி பூஜை17.08.2026 திங்கள் கிழமை ,காலை 09.00 மணிக்குகணபதிஹோமம், தூர்வா ம்ருத்யுஞ்ஜய ஹோமம்காலை 10.45 மணிக்குபூர்ணாஹுதி, தீபாராதனை நடைபெறும்.ஆஸ்தீக மஹாஜனங்கள் திரளாக கலந்து கொண்டு இறையருளுக்கு பாத்திரர்களாகுமாறு அன்புடன் கேட்டுக்கொள்கிறோம்.இப்படிக்கு"குருபக்தமணி" பி.ஆர். வெங்கட்ராம ராஜா தலைவர் - ஸ்ரீ சாரதா சமிதி, இராஜபாளையம் & ஸ்ரீவில்லிபுத்தூர்.
இராஜபாளையம் மூத்தோர் நலச்சங்கம் மற்றும் மாண்புமிகு P.S. குமாரசாமி ராஜா நூற்றாண்டு திருமண மண்டபம்இணைந்து பெருமையுடன் கொண்டாடிய “சுதந்திர தினவிழா”நூற்றாண்டு கண்ட இராஜபாளையத்தின் நூற்றுக்கு மேற்பட்ட சுதந்திர போராட்ட தியாகிகளை நினைவு கூறும் விழா (RFWA வின் 49வது நிகழ்ச்சி )15 ஆகஸ்ட் சனிக்கிழமை காலை 10.00 மணிக்கு கொண்டாடப்பட்டது.அன்றைய சுதந்திர தினவிழாவில் 375 பேர் கலந்துகொண்டு சிறப்பித்தனர்.
ராஜபாளையம் ரோட்டரி சங்கம், காவேரி மருத்துவமனை–திருநெல்வேலி இணைந்து நடத்திய இலவச இருதயப் பரிசோதனை முகாம் 12-08-2026 அன்று சிறப்பாக நடைபெற்றது.நிகழ்வில் rotary சங்க தலைவர் Rtn. Priya Anand, உதவி ஆளுநர் Rtn. K.S. வெங்கட் ராஜா, Community Service chairman Rtn. Dr. M. ராதா, முன்னாள் தலைவர் Rtn. Ananthi, Rtn. Suresh Kumar மற்றும் Rtn. Lakshmi Narayanan ஆகியோர் கலந்துகொண்டு முகாமைச் சிறப்பித்தனர்.முகாமில் BMI மற்றும் உடல்நிலை பரிசோதனை, சர்க்கரை மற்றும் நாடித்துடிப்பு பரிசோதனைகள், மருத்துவ ஆலோசனைகள், ECG மற்றும் ECHO உள்ளிட்ட இருதயப் பரிசோதனைகள் இலவசமாக வழங்கப்பட்டன. மொத்தம் 102 பயனாளர்கள் கலந்துகொண்டு பயனடைந்தனர்.அனைத்து அமைப்புகளின் ஒருங்கிணைந்த ஒத்துழைப்பாலும், மருத்துவக் குழுவினர் மற்றும் தன்னார்வலர்களின் அர்ப்பணிப்பான சேவையாலும் முகாம் வெற்றிகரமாக நிறைவுற்றது.
