25 YEARS OF EXCELLENCE
Weather: -
Saturday Oct 24, 2026
09:27:21am
Weather: -
Saturday Oct 24, 2026
09:27:21am
சூலூர் விமானப்படைத் தளத்திற்கு அருகே சுமார் 200 ஏக்கரில் Aerospace மற்றும் Defence தொழிற்பூங்கா அமைக்க தமிழ்நாடு அரசு நடவடிக்கை மேற்கொண்டு வருவதாக தகவல் வெளியாகியுள்ளது. விமான பராமரிப்பு, பழுதுபார்ப்பு, உதிரிபாக உற்பத்தி, பொறியியல் மற்றும் ஆராய்ச்சி உள்ளிட்ட வசதிகள் இங்கு அமைய உள்ளதாக கூறப்படுகிறது.
1945-ஆம் ஆண்டு அமெரிக்காவின் கொலராடோ மாநிலத்தில் நடந்த ஒரு சம்பவம் உலகையே வியப்பில் ஆழ்த்தியது.இறைச்சிக்காக வெட்டப்பட்ட ஒரு சேவலின் தலை துண்டிக்கப்பட்ட பிறகும் அது உயிருடன் இருந்தது. பின்னர் 'மைக்' என்று பெயரிடப்பட்ட அந்த சேவலை விஞ்ஞானிகள் ஆய்வு செய்தபோது, அதன் மூளைத்தண்டு சேதமடையாமல் இருந்ததால் சுவாசம், இதயத் துடிப்பு உள்ளிட்ட முக்கிய செயல்பாடுகள் தொடர்ந்தது தெரியவந்தது.திரவ உணவு அளிக்கப்பட்ட அந்த சேவல் 18 மாதங்கள் உயிருடன் வாழ்ந்தது. இன்றும் அதன் நினைவாக கொலராடோவில் ஆண்டுதோறும் 'ஹெட்லெஸ் சிக்கன் ஃபெஸ்டிவல்' கொண்டாடப்படுகிறது.
சிவகங்கை மாவட்டம் நெற்குப்பையில் ந.பழ. குடும்பத்தினர் கடந்த 175 ஆண்டுகளாக ராமாயண ஏடு வாசிக்கும் பாரம்பரியத்தை தொடர்ந்து வருகின்றனர்.சைவம், தமிழை போற்றும் நகரத்தார் சமூகத்தினர், வைணவத்தைப் போற்றும் வகையில் புரட்டாசி மாதத்தில் வீடுகளில் ராமாயண ஏடு வாசிக்கும் வழக்கத்தைக் கடைப்பிடித்து வருகின்றனர். அந்த வகையில் நெற்குப்பை இரணிகோயில் ந.பழ. குடும்பத்தினர் 1850-ம் ஆண்டு முதல் இந்த பாரம்பரியத்தை தொடர்ந்து வருகின்றனர்.குடும்பத்தைச் சேர்ந்த நல்லகருப்பன் செட்டியாருக்கு ஏற்பட்ட பார்வைக் குறைபாடு நீங்க வேண்டி ராமாயண ஏடு வாசிப்பதாக வேண்டிக்கொண்டதாகவும், பின்னர் பார்வைக் குறைபாடு சரியானதாகவும் கூறப்படுகிறது. இதையடுத்து பனை ஓலையில் ராமாயணத்தை எழுதி, ஆண்டுதோறும் வாசிக்கும் வழக்கம் தொடங்கியது.ஒவ்வொரு ஆண்டும் புரட்டாசி சனிக்கிழமையில் தொடங்கும் ஏடு வாசிப்பு, அடுத்த சனிக்கிழமையில் நிறைவு பெறுகிறது. பழமையான ஓலைச்சுவடியை பாதுகாக்கும் வகையில், 1980-ல் அதன் உள்ளடக்கம் கையெழுத்துப் பிரதியாக மாற்றப்பட்டு, தற்போது அதையே வாசித்து வருகின்றனர்.ஆறு தலைமுறைகளாக தொடரும் இந்த பாரம்பரியம், ஒவ்வொரு புரட்டாசியிலும் குடும்பத்தினரிடையே மகிழ்ச்சியையும் ஒற்றுமையையும் ஏற்படுத்துவதாக குடும்பத்தினர் தெரிவித்தனர்.
94987 94987 என்ற எண்ணில் புகார் தெரிவிக்கலாம்தமிழகத்தில் மின்சார சேவை தொடர்பான புகார்களை பொதுமக்கள் எளிதாக பதிவு செய்து, அவற்றை விரைவாக சம்பந்தப்பட்ட அதிகாரிகளிடம் கொண்டு சேர்க்கும் வகையில், மின்வாரியம் சார்பில் ‘வாட்ஸ் அப் டி.என்.இ.பி. சாட்பாட்’ என்ற புதிய வசதி தொடங்கப்பட்டுள்ளது.தமிழகத்தில் பொதுமக்களுக்கு தடையற்ற மற்றும் சீரான மின்சாரம் வழங்குவதற்காக மின்வாரியம் பல்வேறு நடவடிக்கைகளை மேற்கொண்டு வருகிறது. மேலும், மின்சார விநியோகம் உள்ளிட்ட சேவைகள் தொடர்பான புகார்களை எளிதாக பதிவு செய்வதற்கான வசதிகளும் ஏற்படுத்தப்பட்டு வருகின்றன.இதன் அடுத்தகட்டமாக, மின்சார சேவைகள் குறித்த புகார்களை விரைவாகப் பெற்று, அவற்றை சம்பந்தப்பட்ட அதிகாரிகளிடம் காலதாமதமின்றி கொண்டு சேர்த்து, உரிய காலத்தில் தீர்வு காணும் வகையில், 24 மணி நேரமும் செயல்படும் ‘டி.என்.இ.பி. சாட்பாட்’ வசதி அறிமுகப்படுத்தப்பட்டுள்ளது.இந்த சேவையைப் பயன்படுத்த, பொதுமக்கள் தங்களது வாட்ஸ் அப் செயலியில்94987 94987 என்ற எண்ணை பதிவு செய்து, அதில் ‘Hi’ என குறுந்தகவல் அனுப்ப வேண்டும்.அதன்பின்னர், மொபைல் போன் எண் அல்லது மின் இணைப்பு எண்ணின் மூலம் புகார் தொடர்பான விவரங்கள் பெறப்பட்டு, சம்பந்தப்பட்ட அலுவலருக்கு உடனடியாக அனுப்பப்படும். தொடர்ந்து, புகாரை சரிசெய்வதற்கான நடவடிக்கைகள் மேற்கொள்ளப்படும்.இந்த புதிய வசதியின் மூலம் பொதுமக்கள் மின்சார சேவைகள் தொடர்பான புகார்களைஎளிதாகவும், விரைவாகவும் பதிவு செய்து, உரிய தீர்வைப் பெறலாம் என மின்வாரியம் தெரிவித்துள்ளது.
2026 ஆசிய விளையாட்டுப் போட்டிகளில் சாதனை படைத்த தமிழக வீரர், வீராங்கனைகளுக்கு தமிழ்நாடு அரசு சார்பில் தலா ₹30 லட்சம் மற்றும் ₹75 லட்சம் பரிசுத் தொகை அறிவிக்கப்பட்டுள்ளது.பரிசுத் தொகை விவரம்:₹75 லட்சம் பெறுபவர்கள்: வித்யா ராம்ராஜ் (தடளம்), குணாளன் கமாலினி (கிரிக்கெட்).₹30 லட்சம் பெறுபவர்கள்: ஜோஷ்னா சின்னப்பா, ஷமீனா ரியாஸ் (ஸ்குவாஷ்), நேத்ரா குமானன் (பாய்மரப் படகோட்டுதல்), வேலவன் செந்தில்குமார், அபய் சிங் (ஸ்குவாஷ்), அபினயா ராஜராஜன், விஷால் டி.கே., ராஜேஷ் ரமேஷ் (தடளம்), பரணிகா இளங்கோவன் (போல் வால்ட்), ஹரிஹரன் அம்சாகருணன் (பேட்மிண்டன்).போட்டிச் சிறப்புகள்: ஜப்பானில் நடைபெற்ற இப்போட்டிகளில் இந்தியா 21 தங்கம், 26 வெள்ளி, 38 வெண்கலப் பதக்கங்களுடன் மொத்தம் 85 பதக்கங்களை வென்றது. ஹாக்கி அணிகள் இரட்டைத் தங்கம் வென்று 2028 ஒலிம்பிக் வாய்ப்பை உறுதி செய்தமை குறிப்பிடத்தக்கது.
குமரகுரு தொழில்நுட்பக் கல்லூரி மாணவர் எஸ். ஷகீல் அக்தர் உருவாக்கிய ‘TRIKE 2Π’ என்ற மூன்று சக்கர மின்சார வாகனம், பாதுகாப்புப் பணியாளர்கள் ரோந்து செல்ல உதவும் வகையில் வடிவமைக்கப்பட்டுள்ளது. குறுகிய இடங்களிலும் எளிதாக திருப்பக்கூடிய இந்த வாகனம் 2026 ஜேம்ஸ் டைசன் விருதில் இந்திய அளவில் இரண்டாம் ரன்னர்-அப் இடத்தை பெற்றுள்ளது.
Apple நிறுவனம் இந்தியாவில் Apple Pay சேவையை அறிமுகப்படுத்த திட்டமிட்டுள்ளதாக தகவல்கள் வெளியாகியுள்ளன. இது நடைமுறைக்கு வந்தால், iPhone மற்றும் Apple Watch பயனர்கள் Contactless Card Payment வசதியைப் பயன்படுத்த முடியும்.
இந்தியாவின் GDP வளர்ச்சி ஆண்டுக்கு ஆண்டு 7.8% ஆக பதிவாகியுள்ளது. இதே காலகட்டத்தில் சீனாவின் வளர்ச்சி விகிதம் 4.3% ஆக இருந்ததாக தகவல்கள் தெரிவிக்கின்றன. சீனாவின் முதல் அரையாண்டு வளர்ச்சி 4.7% ஆகவும், அதன் ஆண்டு வளர்ச்சி இலக்கு 4.5–5% ஆகவும் உள்ளது.
குளிர்ச்சியான காலநிலையில் சூடான மசாலா டீயை விரும்புபவர்களுக்கு, வீட்டிலேயே எளிதாக மசாலா டீ பவுடர் தயாரிக்கலாம்.தேவையான பொருட்கள்ஏலக்காய் – ½ கப்கிராம்பு – 20மிளகு – 10இலவங்கப்பட்டை – 3 அங்குலம்சோம்பு – 1 டீஸ்பூன் (விருப்பம்)அன்னாசிப்பூ – 1 (விருப்பம்)சுக்கு தூள் – 1 டீஸ்பூன்ஜாதிக்காய் தூள் – ¼ டீஸ்பூன் (விருப்பம்)செய்முறைஏலக்காய், கிராம்பு, மிளகு, இலவங்கப்பட்டை, சோம்பு, அன்னாசிப்பூ ஆகியவற்றை மிதமான தீயில் 2–3 நிமிடங்கள் லேசாக வறுக்கவும்.நல்ல மணம் வந்ததும் அடுப்பை அணைத்து, அவற்றை முழுமையாக ஆறவிடவும்.ஆறியதும் மிக்ஸியில் போட்டு நன்றாகப் பொடியாக அரைக்கவும்.அதனுடன் சுக்கு தூள் மற்றும் ஜாதிக்காய் தூளைச் சேர்த்து நன்றாகக் கலக்கவும்.தயாரித்த மசாலா பவுடரை காற்றுப்புகாத கண்ணாடி ஜாரில் சேமித்து வைக்கவும்.சரியாகச் சேமித்தால் சில வாரங்கள் முதல் சில மாதங்கள் வரை பயன்படுத்தலாம். வாசனை அல்லது சுவையில் மாற்றம் ஏற்பட்டால் பயன்படுத்த வேண்டாம்.மசாலா டீ செய்வது எப்படி?தேவையானவை:தண்ணீர் – 1 கப்பால் – ½ கப்டீ தூள் – 1 டீஸ்பூன்மசாலா பவுடர் – ½ டீஸ்பூன் முதல் 1 டீஸ்பூன் வரைசர்க்கரை அல்லது வெல்லம் – தேவையான அளவுசெய்முறைமுதலில் தண்ணீருடன் மசாலா பவுடரைச் சேர்த்து கொதிக்கவிடவும். பின்னர் டீ தூளைச் சேர்க்கவும். தொடர்ந்து பால் மற்றும் சர்க்கரை அல்லது வெல்லத்தைச் சேர்த்து 2–3 நிமிடங்கள் கொதிக்கவிடவும்.பின்னர் வடிகட்டி சூடாகப் பரிமாறவும்.குறிப்பு: மிளகு, கிராம்பு உள்ளிட்ட பொருட்களின் அளவை உங்கள் சுவைக்கேற்ப மாற்றிக்கொள்ளலாம். மசாலா டீ சுவையான சூடான பானமாக இருக்கலாம்; ஆனால் இது நோய் எதிர்ப்பு சக்தியை அதிகரிக்கும் மருந்தாகக் கருதக்கூடாது
எச்சரிக்கை: செயற்கை நுண்ணறிவு மனித கட்டுப்பாட்டை மீறித் தன்னிச்சையாகச் செயல்படும் போது ஏற்படும் விளைவுகளைச் சமாளிக்க உலகம் இன்னும் தயாராகவில்லை என OpenAI-ன் தலைமை விஞ்ஞானி ஜாகுப் பச்சோக்கி எச்சரித்துள்ளார். சில AI ஏஜெண்டுகள் மனிதர்களை ஏமாற்றி ஹேக்கிங்கில் ஈடுபட்ட சம்பவங்களைச் சுட்டிக்காட்டிய அவர், இந்தச் சவாலைத் தனிப்பட்ட AI நிறுவனங்களால் மட்டும் கட்டுப்படுத்த முடியாது என்றும் தெரிவித்துள்ளார்.
