25 YEARS OF EXCELLENCE
Weather: -
Saturday Oct 24, 2026
08:29:58am
Weather: -
Saturday Oct 24, 2026
08:29:58am
ஆசியப் போட்டிகளில் தங்கம் வென்ற இந்திய கிரிக்கெட் அணியில் இடம்பெற்ற தமிழக வீரர் வாஷிங்டன் சுந்தருக்கு முதலமைச்சர் வாழ்த்து தெரிவித்துள்ளார். "வாஷிங்டன் சுந்தரின் சாதனையைப் பாராட்டி, தமிழ்நாடு அரசின் சார்பில் உயரிய ஊக்கத்தொகையாக ரூ.75 இலட்சம் வழங்கப்படும்" என அறிவித்துள்ள முதலமைச்சர், அவரது இந்த வெற்றி இளைய தலைமுறையினருக்கு புதிய உத்வேகத்தையும் நம்பிக்கையையும் அளிக்கும் என்று குறிப்பிட்டுள்ளார்.
“தவறானவர்களின் கைகளில் செயற்கை நுண்ணறிவு (AI) சிக்கினால், 100 கோடி மக்களைக் கொல்லும் அளவுக்கு ஆபத்தானதாக மாறலாம்" என மைக்ரோசாப்ட் நிறுவனத்தின் இணை நிறுவனர் பில் கேட்ஸ் எச்சரித்துள்ளார். AI மிகவும் சக்திவாய்ந்த ஆபத்தாக மாறி வருவதால், நிறுவனங்களின் சுயக் கட்டுப்பாடுகள் மட்டும் போதாது என்றும், அரசுகள் கடுமையான விதிகளை உருவாக்க வேண்டும் என்றும் அவர் வலியுறுத்தியுள்ளார்.
UPI பரிவர்த்தனைகளுக்கு அக்டோபர் 15 முதல் புதிய கட்டண விதிகள் அமலுக்கு வர உள்ளதாக தகவல்கள் வெளியாகியுள்ளன. ரயில்வே, தொலைத்தொடர்பு, எரிபொருள் உள்ளிட்ட துறைகளுக்கான பரிவர்த்தனைகள் மற்றும் சில வணிகப் பரிவர்த்தனைகளுக்கு கட்டணம் விதிக்கப்படும் என்றும், சிறு வணிகர்கள் மற்றும் தனிநபர் பணப் பரிமாற்றங்களுக்கு சில விலக்குகள் வழங்கப்படும் என்றும் கூறப்படுகிறது.UPI சேவைகளுக்குச் சேவை வரி விதிப்பதை எதிர்த்து, வரும் 12ஆம் தேதி கூகுள் பே உள்ளிட்ட ஆன்லைன் பணப்பரிவர்த்தனைகளை ஏற்கப்போவதில்லை என தமிழ்நாடு வணிகர் சங்கங்களின் பேரமைப்பு அறிவித்துள்ளது. அன்றைய தினம் வாடிக்கையாளர்களிடம் ரொக்கமாக மட்டுமே கட்டணம் வசூலிக்கப்படும் எனவும் தெரிவிக்கப்பட்டுள்ளது.
2026 ஆசிய விளையாட்டுப் போட்டிகளில் பெண்களுக்கான 4x400 மீட்டர் தொடர் ஓட்டத்தில் இந்தியாவுக்கு தங்கம் வெல்ல உதவிய தமிழக வீராங்கனை வித்யா ராம்ராஜுக்கு, முதல்வர் விஜய் தலைமையிலான தமிழக அரசு ரூ.75 லட்சம் ரொக்கப் பரிசு அறிவித்துள்ளது.இதன் மூலம் இப்போட்டிகளில் வித்யா ராம்ராஜுக்கு கிடைத்துள்ள மொத்த பரிசுத்தொகை ரூ.1.55 கோடியாக உயர்ந்துள்ளது. முன்னதாக கலப்பு 4x400 மீட்டர் தொடர் ஓட்டத்தில் வெள்ளி வென்றதற்காக ரூ.50 லட்சமும், 400 மீட்டர் தடை ஓட்டத்தில் வெண்கலம் வென்று பி.டி. உஷாவின் 42 ஆண்டுகால தேசிய சாதனையை முறியடித்ததற்காக ரூ.30 லட்சமும் வழங்கப்பட்டன.ஆசிய விளையாட்டுப் போட்டிகளில் வித்யா ராம்ராஜ் இதுவரை ஒரு தங்கம், ஒரு வெள்ளி, ஒரு வெண்கலம் என மூன்று பதக்கங்களை வென்றுள்ளார்.
தென் மண்டல கவுன்சில் கூட்டத்தில், முல்லைப் பெரியாற்றில் புதிய அணை அமைக்க கேரளம் சில நிபந்தனைகளுடன் தயாராக இருப்பதாகக் கூறப்பட்டுள்ளது.புதிய அணைக்கான முழுச் செலவையும் கேரளம் ஏற்கும்.அணையின் வடிவமைப்பு மற்றும் கட்டுமானத்தை தமிழ்நாடு தீர்மானிக்கலாம்.புதிய அணையில் கிடைக்கும் நீர் தமிழ்நாட்டுக்கு வழங்கப்படும் என தெரிவிக்கப்பட்டுள்ளது.
தமிழ்நாட்டில் பெட்ரோல் பங்குகளில் UPI, Google Pay உள்ளிட்ட டிஜிட்டல் பணப் பரிவர்த்தனைகளை நிறுத்துவது குறித்து பெட்ரோலிய வணிகர் சங்கம் முடிவு செய்துள்ளதாக தகவல் வெளியாகியுள்ளது.‘மணி மியூல்’ மோசடி விவகாரத்தின் தாக்கத்தால் டிஜிட்டல் பணப்பரிவர்த்தனைகளில் பாதுகாப்பு சிக்கல்கள் ஏற்பட்டுள்ளதாக வணிகர்கள் தரப்பில் தெரிவிக்கப்பட்டுள்ளது.
IVERMECTIN MELT IN MOUTH TABLETS 10 mg.நியோமெக் ( NEOMEC ).(கால்நடை மருத்துவம்)நாய் முடிக்கு ஒரே முடிவு....புழு தொல்லையை கட்டுப்படுத்தும்.தோல் ஆரோக்கியத்கை மேம்படுத்தும்.புழு தொற்று மற்றும் உள் பராசைட்டுகளை கட்டுப்படுத்தும்.நாயின் உடல் நலத்தை பாதுகாக்கும்.
2025-26 நிதியாண்டில் இந்தியாவின் மென்பொருள் சேவைகள் ஏற்றுமதி 8.2% உயர்ந்து ரூ.21.03 லட்சம் கோடியாக அதிகரித்துள்ளதாக ரிசர்வ் வங்கி அறிக்கை தெரிவித்துள்ளது. இதில் அமெரிக்கா 54.1% பங்களிப்புடன் முக்கிய சந்தையாகவும், ஐரோப்பிய நாடுகள் 31.8% பங்களிப்புடன் அடுத்த முக்கிய சந்தையாகவும் உள்ளன.
மத்திய அரசு புதிய தொலைத்தொடர்பு நுகர்வோர் பாதுகாப்பு விதிமுறைகளை அறிமுகப்படுத்தியுள்ளது. இனி 30 நாள் செல்லுபடியாகும் ரீசார்ஜ் திட்டங்கள் கிடைக்கும். இதனால் மாதாந்திர ரீசார்ஜை ஆண்டுக்கு 13 முறை செய்ய வேண்டிய நிலை குறைந்து, 12 முறை ரீசார்ஜ் செய்தால் போதுமானதாக இருக்கும். மேலும், டேட்டா தேவையில்லாதவர்களுக்கு Voice Call மற்றும் SMS மட்டும் கொண்ட திட்டங்களும் கிடைக்கும்.
15 வயதுக்குட்பட்ட குழந்தைகளுக்கு வழங்கப்படும் 36 பக்க பாஸ்போர்ட்டின் செல்லுபடிக் காலம் 5 ஆண்டுகள் அல்லது குழந்தை 18 வயதை அடையும் வரை என நிர்ணயிக்கப்படும் என தெரிவிக்கப்பட்டுள்ளது. இதில் எது முதலில் வருகிறதோ அதன்படி செல்லுபடியாகும் காலம் முடிவடையும்.
