25 YEARS OF EXCELLENCE
Weather: -
Friday Oct 16, 2026
07:38:02am
Weather: -
Friday Oct 16, 2026
07:38:02am
2026 செப்டம்பர் மாதம் நிறைவடைந்துள்ள நிலையில், இதுவரை 170 தமிழ்ப் படங்கள் வெளியாகியுள்ளன. இந்த மாதத் தொடக்கத்தைக் கொண்டாடப் பல படங்களும் களமிறங்குகின்றன:விஜய் சேதுபதியின் 'பத்தா'.நிவின் பாலி, சூரியின் 'ஏழு கடல் ஏழு மலை'.அசோக் செல்வனின் 'அன்பில் அவன்'.விஜய் மகன் ஜேசன் இயக்கியுள்ள 'சிக்மா'.அசோக்கின் 'கிட்டி'.
சென்னை வடபழனியில் உள்ள சினிமா இசையமைப்பாளர்கள் சங்கத்தின் பழைய கட்டடம் இடிக்கப்பட்டு, புதிய கட்டடம் கட்டப்படவுள்ளது. ரூ.30 கோடி செலவில் 10 மாடிகளுடன் பிரம்மாண்டமாக உருவாகும் இக்கட்டடத்திற்கான நிதி திரட்ட சென்னை, ஹைதராபாத், சிங்கப்பூர் மற்றும் துபாய் ஆகிய இடங்களில் இசைக்கச்சேரிகள் நடத்தத் திட்டமிடப்பட்டுள்ளது. இளையராஜா, ஏ.ஆர்.ரஹ்மான் உள்ளிட்ட முன்னணி இசையமைப்பாளர்கள் இக்கச்சேரிகளில் பங்கேற்கச் சம்மதித்துள்ளனர்.
'எம்3எம் ஹூருன் இந்தியா ரிச் லிஸ்ட் 2026' வெளியிட்டுள்ள இந்தியாவின் பணக்கார நடிகர்களின் பட்டியலில், சொத்து மதிப்பு, தொழில் முதலீடுகள் மற்றும் இதர வருவாயின் அடிப்படையில் ஹிந்தி நடிகர் ஷாருக்கான் ரூ.10,000 கோடியுடன் முதலிடத்தில் உள்ளார். நாகார்ஜுனா (ரூ.5,000 கோடி) மற்றும் அமிதாப் பச்சன் (ரூ.4,000 கோடி) முறையே அடுத்தடுத்த இடங்களில் உள்ளனர். குறிப்பிடத்தக்க விஷயமாக, தமிழ் நடிகர்கள் யாரும் இந்தப் பட்டியலில் முதல் 10 இடங்களுக்குள் இடம் பெறவில்லை.
தென்னிந்திய நடிகர் சங்கத்தின் 70வது பொதுக்குழு கூட்டம் சென்னையில் நடைபெற்றது. இதில் மூத்த நடிகை லதாவுக்கு வாழ்நாள் சாதனையாளர் விருது வழங்கப்பட்டது. நிகழ்ச்சியில் பேசிய சங்கத் தலைவர் நாசர், நடிகர் சங்கத்தின் புதிய கட்டடத்தை டிசம்பர் முதல் வாரத்திற்குள் தமிழக முதல்வர் விஜய் திறந்து வைப்பார் என்று அறிவித்தார். மேலும், நம்மில் ஒருவராக இருந்து முதல்வராகப் பொறுப்பேற்றுள்ள விஜய்க்குச் சங்கத்தின் சார்பில் வாழ்த்துகளையும் தெரிவித்தார்.
ஸ்ரீகாந்த் ஒடேலா இயக்கத்தில் நானி, கயாடு லோஹர், மோகன் பாபு நடிப்பில் தெலுங்கில் உருவாகி தமிழ் உள்ளிட்ட 5 மொழிகளில் வெளியான படம் 'தி பாரடைஸ்'. படத்திற்குச் சில நெகட்டிவான விமர்சனங்கள் வந்தபோதிலும், வசூலில் எந்தத் தளர்வும் இன்றி மாபெரும் வரவேற்பைப் பெற்றுள்ளது. அதன்படி, வெளியான 3 நாட்களில் இப்படம் ரூ.136 கோடி வசூலித்து சாதனை படைத்துள்ளது.
மறைந்த இயக்குநர் பாரதிராஜா கதாநாயகனாக நடித்த கடைசிப் படம் ‘புலவர்’. முருகையா இயக்கியுள்ள இப்படத்தில் ஓய்வுபெற்ற போலீஸ் அதிகாரியாக பாரதிராஜா நடித்துள்ளார்.தன்னுடன் பணியாற்றிய முன்னாள் போலீஸ் அதிகாரி ஒருவருக்கு கொலை வழக்கை கண்டுபிடிக்க பாரதிராஜா உதவுவது போன்ற கதைக்களம் இதில் இடம்பெற்றுள்ளது. இந்தக் கதையை நகைச்சுவை கலந்து உருவாக்கியுள்ளனர். இப்படம் செப்டம்பர் 25-ம் தேதி வெளியாகும் என டீசரை வெளியிட்டு படக்குழு அறிவித்துள்ளது.
தமிழ் சினிமாவில் கடந்த இரு தினங்களாக அடுத்தடுத்து பல்வேறு பட அறிவிப்புகள் வெளியாகியுள்ளன.மணிரத்னம் இயக்கத்தில் விஜய் சேதுபதி, சாய் பல்லவி நடிக்கும் படத்திற்கு ‘இஞ்சி வெல்லம்’ என பெயரிட்டுள்ளனர். மணிசேயோன் இயக்கத்தில் சண்முக பாண்டியன் நடிக்கும் படத்திற்கு ‘கிங் அண்ட் குயின்ஸ்’ என பெயரிட்டு, படப்பிடிப்பையும் தொடங்கியுள்ளனர்.அபிஷன் ஜீவிந்த், சிவராஜ்குமார் இணைந்து நடிக்கும் படத்திற்கு ‘பிக்காசோ’ என பெயரிட்டுள்ளனர். தனுஷ் நடிக்கும் ‘ஓம்’ படத்தில் நடிக்கும் மம்முட்டியின் முதல் பார்வை வீடியோவும் வெளியாகியுள்ளது.மாரி செல்வராஜ் இயக்கும் ‘மஞ்சணத்தி’ படத்தின் பணிகளை இசையமைப்பாளர் இளையராஜா தொடங்கி வைத்தார்.
பாரத ரத்னா விருது பெற்ற கர்நாடக இசைப் பாடகி எம்.எஸ். சுப்புலட்சுமியின் வாழ்க்கை திரைப்படமாக உருவாகிறது. அவரது கதாபாத்திரத்தில் ராஷ்மிகா மந்தனா நடிக்கிறார். கவுதம் தின்னனூரி இப்படத்தை இயக்குகிறார்.எம்.எஸ். சுப்புலட்சுமியின் 110-வது பிறந்தநாளான இன்று, இப்படத்தின் பணிகளை நடிகர் கமல்ஹாசன் சென்னையில் தொடங்கி வைக்கிறார். அனிருத் இப்படத்திற்கு இசையமைக்கிறார்.ராப் மற்றும் வெஸ்டர்ன் இசையில் தனக்கென ஒரு பாணியை உருவாக்கியுள்ள அனிருத், கர்நாடக இசையை எந்த அளவுக்கு வழங்கப் போகிறார் என்பது ரசிகர்கள் மத்தியில் எதிர்பார்ப்பை ஏற்படுத்தியுள்ளது.
நண்பர்களான சசிகுமாரும், சமுத்திரக்கனியும் பல படங்களில் இணைந்து பணியாற்றியுள்ளனர். சமீபத்தில் நடைபெற்ற சைமா விருது விழாவில் இருவருக்கும் விருதுகள் கிடைத்தன.இந்த நிகழ்வில், இருவரும் இணையும் புதிய படத்தையும் அறிவித்துள்ளனர். ‘ஸ்கூல் பஸ்’ எனப் பெயரிடப்பட்டுள்ள இப்படத்தை சமுத்திரக்கனி இயக்குகிறார். சசிகுமார், கிச்சா சுதீப், மிஷ்கின் உள்ளிட்டோர் முக்கிய கதாபாத்திரங்களில் நடிக்கின்றனர்.தமிழ், தெலுங்கு, கன்னடம் ஆகிய மொழிகளில் இப்படம் உருவாகிறது. பள்ளிப் பருவத்தில் நண்பர்களாக இருந்தவர்கள், அதன்பிறகு வாழ்க்கையில் எந்த நிலையில் இருக்கிறார்கள் என்பதை மையமாகக் கொண்டு கதை உருவாகிறது.
துல்கர் சல்மான் தயாரிப்பில், கல்யாணி பிரியதர்ஷன் முதன்முறையாக நடித்த ‘லோகா சாப்டர் 1’ திரைப்படம் கடந்த ஆண்டு வெளியானது. மலையாளத் திரையுலகில் ரூ.300 கோடி வசூல் செய்த முதல் படமாக இது அமைந்தது.தற்போது மலையாளத்தில் 2-வது ரூ.300 கோடி வசூல் படமாக கடந்த மாதம் வெளியான ‘பெத்லகேம் குடும்ப யூனிட்’ திரைப்படம் உருவெடுத்துள்ளது.கிரிஷ் இயக்கியுள்ள இப்படத்தில் நிவின் பாலி, மமிதா பைஜு உள்ளிட்டோர் நடித்துள்ளனர். இப்படத்தை பஹத் பாசில் தயாரித்துள்ளார்.
