25 YEARS OF EXCELLENCE
Weather: -
Sunday Oct 25, 2026
03:26:08pm
Weather: -
Sunday Oct 25, 2026
03:26:08pm
ஈரானிய ரியாலின் மதிப்பு வரலாறு காணாத அளவுக்கு சரிந்துள்ளது. ஒரு அமெரிக்க டாலருக்கு எதிரான ரியாலின் மதிப்பு 25 லட்சத்தை கடந்துள்ளது. போர் சூழலால் அத்தியாவசியப் பொருட்களின் விலை உயர்ந்து, மக்கள் கடும் பொருளாதார நெருக்கடியை எதிர்கொள்கின்றனர்.
2026 ஸ்கைட்ராக்ஸ் விருதுகளில் சிங்கப்பூர் ஏர்லைன்ஸ், உலகின் சிறந்த விமான நிறுவனமாக தேர்வு செய்யப்பட்டுள்ளது. ஆசியாவின் சிறந்த விமான நிறுவனம் உள்ளிட்ட பல விருதுகளையும் பெற்றுள்ளது. அதன் துணை நிறுவனமான Scoot, தொடர்ந்து 6-வது ஆண்டாக சிறந்த நீண்ட தூர பட்ஜெட் விமான நிறுவனமாக தேர்வு செய்யப்பட்டுள்ளது
பூமிக்கும் நிலவுக்கும் இடைப்பட்ட விண்வெளி மண்டலமே உலக வல்லரசு நாடுகளின் எதிர்காலப் போர்க்களமாக மாறும் என்று சீனாவில் மேற்கொள்ளப்பட்ட புதிய ஆய்வில் அதிர்ச்சித் தகவல் வெளியாகியுள்ளது.தாக்குதல் உத்திகள்: நிலவின் சிக்கலான ஈர்ப்பு விசையைப் பயன்படுத்தி விண்கலன்களை எதிரிகளுக்குத் தெரியாமல் மறைத்து வைத்து தாக்குதல் நடத்தவும், விண்வெளியின் முக்கியப் பாதைகளைக் கைப்பற்றி எதிரி நாட்டு விண்கலன்களை வழிமறிக்கவும் முடியும்.விண்வெளி அதிகாரம்: பூமி-நிலவு இடைப்பட்ட மண்டலத்தைக் கட்டுப்படுத்துவதன் மூலம் விண்வெளியின் முழு அதிகாரத்தையும் கைப்பற்றி எதிரி நாடுகளை அச்சுறுத்த முடியும் என இந்த ஆய்வின் முதன்மை ஆசிரியர் டாங் ஜாஹுய் தெரிவித்துள்ளார்.வெளியீடு: இந்த ஆய்வுச் கட்டுரை 'ஜர்னல் ஆஃப் கமாண்ட் அண்ட் கன்ட்ரோல்' (Journal of Command and Control) இதழில் வெளியிடப்பட்டுள்ளது.
ரஷ்ய நாடாளுமன்றத் தேர்தலில் அதிபர் விளாடிமிர் புதினுடன் தொடர்புடைய யுனைடெட் ரஷ்யா கட்சி பெரும்பான்மை இடங்களை கைப்பற்றியதாக தகவல்கள் தெரிவிக்கின்றன.
நிலவில் சூரிய ஒளி தொடர்ந்து கிடைக்காததால், அங்கு மேற்கொள்ளப்படும் ஆராய்ச்சித் திட்டங்களுக்குத் தேவையான மின்சாரத்தை வழங்க அமெரிக்காவின் 'புளூ ஆர்ஜின்' தனியார் நிறுவனம் தீர்வுகண்டுள்ளது.திட்டம்: நிலவின் தென் துருவப்பகுதிக்கு அருகே 66 அடி உயரத்தில் 'பவர் டவர்' (Power Tower) என்ற சோலார் டவரைச் செங்குத்தாக நிறுவுதல்.இலக்கு: 10 கிலோவாட் மின்சாரம் உற்பத்தி செய்தல்.இடம் தேர்வு: தென் துருவப்பகுதியில் நீண்ட நேரம் சூரிய ஒளி படும் உயரமான இடங்கள் இருப்பதால் இப்பகுதி தேர்வு செய்யப்பட்டுள்ளது.எதிர்காலத் திட்டம்: மேலும் பல சோலார் டவர்களை நிறுவி, லேண்டர் மட்டுமன்றித் தொலைவில் உள்ள மற்ற உபகரணங்களுக்கும் மின்சாரம் வழங்குவது.
ஹாங்காங்கைக் கைப்பற்றிய 100 டன் ரஷ்யத் தங்கம்: 2026-ஆம் ஆண்டின் முதல் 7 மாதங்களில் மட்டும் ரஷ்யாவிலிருந்து சுமார் 100 டன் தங்கம் ஹாங்காங்கிற்கு இறக்குமதி செய்யப்பட்டுள்ளது. இது கடந்த ஆண்டை விட 3 மடங்கு அதிகம். 2022 மேலைநாடுகளின் தடைகளுக்குப் பிறகு, ரஷ்யா தன் தங்க ஏற்றுமதியை ஆசியாவை நோக்கித் திருப்பியுள்ளது. இதில் 2022 முதல் இதுவரை சுமார் $35 பில்லியன் மதிப்பிலான ரஷ்யத் தங்கத்தை ஹாங்காங் நிறுவனங்கள் வாங்கியுள்ளதாக Financial Times செய்தி வெளியிட்டுள்ளது."நிலா எங்களுடையது!" - சர்ச்சையைக் கிளப்பிய டிரம்ப்: அமெரிக்க அதிபர் டிரம்ப் தனது 'ட்ரூத் சோஷியல்' பக்கத்தில், நிலவில் அமெரிக்கக் கொடி இருப்பது போன்ற படத்தைப் பகிர்ந்து "THE MOON IS OURS" (நிலா எங்களுடையது) எனக் குறிப்பிட்டது சர்வதேச அளவில் பெரும் சர்ச்சையை ஏற்படுத்தியுள்ளது. சர்வதேச விண்வெளி ஒப்பந்தத்தின்படி எந்த ஒரு நாடும் நிலவின் மீது தனி உரிமை கொண்டாட முடியாது என்ற சூழலில், டிரம்பின் இந்த அறிவிப்பு உலக நாடுகளிடையே பெரிய விவாதத்தைக் கிளப்பியுள்ளது.
முதல் சம்பளத்திற்காக காத்திருக்க வேண்டிய நிலைபுதிய வேலைக்குச் சென்றவுடன் முதல் சம்பளம் உடனடியாக கிடைக்காமல் போகலாம். சில சூழ்நிலைகளில் 45 நாட்கள் வரை ஆகக்கூடும். எனவே ஆரம்ப நாட்களுக்குத் தேவையான செலவுக்குப் போதுமான பணத்தை வைத்திருப்பது நல்லது.உடனடியாக வேலை மாற்றுவது வேலைக்குச் சேர்ந்த சில மாதங்களிலேயே கம்பெனி மாற்ற முடிவு செய்வதற்கு முன், உங்கள் Employment Contract மற்றும் அங்குள்ள தொழிலாளர் விதிமுறைகளை சரிபார்க்கவும். Public Wi-Fi-ல் Banking செய்யாதீர்கள். Wi5 Airport அல்லது பிற இடங்களில் கிடைக்கும் Free Wi-Fi மூலம் Bank App-ல் Login செய்வதை தவிர்ப்பது பாதுகாப்பானது. முக்கியமான தனிப்பட்ட தகவல்களை பாதுகாப்பாக வைத்திருங்கள்.அங்கீகரிக்கப்படாத வாகனங்களில் பயணம் உரிய அனுமதி இல்லாத வாகனங்களில் பணம் கொடுத்து பயணம் செய்வதை தவிர்க்கவும். விதிமுறைகளை மீறினால் அபராதம் உள்ளிட்ட சட்ட நடவடிக்கைகள் ஏற்படலாம். Gulf-ல் புதிதாக இருப்பவர்கள், உள்ளூர் சட்டங்கள் மற்றும் அதிகாரப்பூர்வ விதிமுறைகளை தெரிந்து கொண்டு செயல்படுவது மிகவும் முக்கியம்.
மனிதர்களைப் போல இயங்கும் Humanoid Robots எதிர்காலத்தில் போர்களிலும் பயன்படுத்தப்படுமா என்ற கேள்வி எழுந்துள்ளது.சீனாவில் நடைபெற்ற உலக மனித உருவ ரோபோ போட்டிகளில் பங்கேற்ற ரோபோக்கள் ஓட்டம், நடனம் மற்றும் குத்துச்சண்டை உள்ளிட்ட பல்வேறு செயல்பாடுகளை செய்து பார்வையாளர்களை ஆச்சரியத்தில் ஆழ்த்தின.இதைத்தொடர்ந்து, ராணுவப் பயன்பாடுகளுக்காக மனித உருவ ரோபோக்களை உருவாக்குவது தொடர்பாக சீனாவில் ஆய்வுகள் நடைபெற்று வருவதாக தகவல்கள் வெளியாகியுள்ளன.ஆபத்தான பகுதிகளில் மனிதர்களுக்குப் பதிலாக ரோபோக்களை அனுப்புவது, கண்காணிப்பு மற்றும் பிற ராணுவப் பணிகளில் அவற்றைப் பயன்படுத்துவது போன்ற வாய்ப்புகள் குறித்து ஆய்வுகள் மேற்கொள்ளப்படுவதாக கூறப்படுகிறது.எதிர்காலத்தில் செயற்கை நுண்ணறிவு, ரோபோட்டிக்ஸ் மற்றும் தானியங்கி தொழில்நுட்பங்கள் பாதுகாப்புத் துறையில் முக்கிய பங்கு வகிக்கக்கூடும் என நிபுணர்கள் கருத்து தெரிவித்து வருகின்றனர்.பட்டம் பெற்று வேலைக்கு செல்லப்போகும் ரோபோக்கள்சீனாவின் ஹங்சோ ரோபோ பள்ளியில் 2 மாத கடுமையான பயிற்சிக்கு பிறகு 4 ரோபோக்கள் அதிகாரப்பூர்வமாக பட்டம் பெற்றுள்ளன.வழிகாட்டி, ஆய்வு மற்றும் பியானோ வாசிக்கும் இந்த ரோபோக்கள் சீனா. தென்கொரியாவின் பல்வேறு துறைகளில் பணியமர்த்தப்பட உள்ளன.
ஆசியாவில் ஏற்படும் சக்திவாய்ந்த நிலநடுக்கங்களின் தாக்கம் காரணமாக, சிங்கப்பூர், மலேசியா மற்றும் தாய்லாந்து பகுதிகளில் நிலப்பரப்பு ஆண்டுக்கு சில மில்லிமீட்டர்கள் வரை தாழ்வடையக்கூடும் என NTU ஆய்வு தெரிவித்துள்ளது.இதனால் எதிர்காலத்தில் கடல்மட்ட உயர்வு மற்றும் வெள்ள அபாயத்தை மதிப்பிடும்போது, நிலப்பரப்பில் ஏற்படும் இந்த மாற்றங்களையும் கணக்கில் எடுத்துக்கொள்ள வேண்டிய அவசியம் இருப்பதாக ஆய்வாளர்கள் கூறுகின்றனர். கடற்கரை பாதுகாப்புத் திட்டங்களை உருவாக்கும்போது இந்தத் தரவுகள் முக்கிய பங்கு வகிக்கக்கூடும்.
🎫 Dubai மற்றும் Abu Dhabi இடையேயான Etihad Rail பயணிகள் ரயில் சேவைக்கான டிக்கெட் முன்பதிவு தொடங்கியுள்ளதாக தகவல்கள் தெரிவிக்கின்றன.📅 இந்த சேவை செப்டம்பர் 30ஆம் தேதி தொடங்கும் என அறிவிக்கப்பட்டுள்ளது.🌐 பயணிகள் etihadrail.aeஇணையதளம் மூலம் டிக்கெட்டுகளை முன்பதிவு செய்யலாம்.⏱️ இந்த ரயில் சேவையின் மூலம் Dubai-யிலிருந்து Abu Dhabi-க்கு சுமார் 1 மணி நேரத்தில் பயணம் செய்ய முடியும் என தெரிவிக்கப்பட்டுள்ளது.🇦🇪 Gulf பயணிகளுக்கு நேரத்தை மிச்சப்படுத்தும் புதிய போக்குவரத்து வசதி!
