25 YEARS OF EXCELLENCE
Weather: -
Friday Oct 23, 2026
07:26:33am
Weather: -
Friday Oct 23, 2026
07:26:33am
பாலை லேசாக சூடுபடுத்தி அதில் அரை ஸ்பூன் சர்க்கரை போட்டு அதில் தயிருக்காக உறை ஊற்றி 8 மணி நேரம் கழித்து பார்த்தால் கெட்டித்தயிராக இருக்கும்.குக்கரில் பருப்பு வேகவைக்கும் போது, நேரடியாக குக்கரை பயன் படுத்த வேண்டாம். முதலில் பருப்பை திறந்த பாத்திரத்தில் வேகவைத்து அதில் உள்ள நுரையை நீக்கவும். இந்த நுரைகாரணமாக, யூரிக் அமிலம் அதி கரித்து மூட்டு வலி ஏற்படுகிறது.கேசரி செய்யும்போது நீரின் அளவைக்குறைத்து பால் கலந்து செய்தால், நல்ல மணத்துடன் இருக்கும். அதில் பேரீச்சை, அன்னாசி பழங்களையும் வெட்டிப்போட்டு பழக்கேசரி செய்தால் சுவையும், சத்தும் கூடும்.புதினா, மல்லி மற்றும் கறிவேப்பிலைகளை எப்பொழுதும் தண்டுடன் அப்படியே வைக்கக்கூடாது. கழுவி நன்கு ஃபேன் காற்றில் காய வைத்த பின் இலைகளை மட்டும் கிள்ளி ஒரு பிளாஸ்டிக் டப்பாவில் ஸ்டோர் செய்து வைத்தால் போதும், ஒரு வாரம் வரை அப்படியே ஃப்ரெஷ்ஷாக இருக்கும்நீங்கள் கடலை எண்ணெயை பயன்படுத்துவது உண்டு என்றால் முட்டை வேக வைக்கும் பொழுது நாலைந்து சொட்டுகள் கடலை எண்ணெய் சேர்த்து கொஞ்சம் கல் உப்பு போட்டு வைத்தால் போதும் முட்டையை வேக வைத்த பின் பிரிக்கும் பொழுது கொஞ்சம் கூட ஒட்டாமல் பிரித்து விட முடியும்.
குழம்பு, ரசத்தில் புளிப்பு அதிகமாகிவிட்டால் சிறிதளவு காரப் பொடி மற்றும் வெல்லம் ஒரு துண்டு சேர்த்து கொதிக்கவிட்டு இறக்க சரியாகிவிடும்.பாசிப்பயறு கொண்டக்கடலை சுண்டல் செய்யும்போது தேங்காய் துருவலுடன் சிறிது இஞ்சி துருவல் சேர்த்து தாளித்தால் சவை கூடும்.குலோப் ஜாமூன் ஜீரா மீந்து விட்டால், பாயசம் செய்யும் போது சர்க்கரைக்கு பதிலாக ஜீராவை கலந்து கொண்டால் மிகவும் ருசியாக இருக்கும்.டபுள் பீன்ஸ், ராஜ்மா, மொச்சை போன்ற பருப்புகளை வேகவிடும்போது உப்பு சேர்க்காமல் வேகவிட்டால் சீக்கிரம் வெந்துவிடும்.எந்த சிப்ஸ் செய்வதாக இருந்தாலும் எண்ணெயில் வறுக்கும் பொழுதே தேவையான உப்பை சிறிது நீர் கலந்து தெளித்து, வறுத்து எடுக்க, உப்பு எல்லா இடத்திலும் சமமாக பரவி இருக்கும். வெளியில் எடுத்ததும் காரப்பொடி சிறிது சேர்த்து குலுக்கி விட ருசியான சிப்ஸ் தயார்.
சட்னி தாளிக்கும் போது சிறிது சின்ன வெங்காயத்தை நறுக்கி தாளித்தால் சுவையாகவும்,மணமாகவும் இருக்கும் - தேங்காய் சட்னி தாளிக்கும் போது சிறிது பெருங்காயத்தை சேர்த்து தாளித்தால் நல்ல வாசனையாகவும் அஜீரண கோளாறு ஏற்படாமல் இருக்கும். சட்னிக்கு வதக்கும் போது கருவேப்பிலை கொத்தமல்லி புதினா இலைகளை கடைசியாக வதக்கி எடுத்தால்தான் அதன் கலர் மாறாமல் நல்ல மணமாக இருக்கும் எந்த விதமான சட்னி அரைத்தாலும் பூண்டை வதக்காமலும் தோல் உரிக்காமலும் அரைக்கும் போது போட்டு அரைத்தால் நல்ல வாசனையாக அதன் சுவை மாறாமலும் இருக்கும்.
கொழுக்கட்டைக்கு மாவு பிசையும் போது மிகவும் கெட்டியாக பிசையாதீர்கள் பிசைந்தால் கொழுக்கட்டை கல்லை போல கெட்டியாக தான் வரும்.மாவை மிகவும் லூசாக பிசையவும் கூடாது. இதனால் கொழுக்கட்டை பிசுபிசு என்று ஒட்டிக் கொண்டு தான் வரும்.மாவு பிசைந்த பின் கையை வைத்து அமுக்கி பார்த்தால், நன்கு அமுங்குவது போலவும்,மிருதுவாக இருக்கும் படியும் பிசைந்து கொள்ளுங்கள்.வீட்டில் செய்த அரிசி மாவோ அல்லது கடையில் வாங்கிய அரிசி மாவோ, அதோடு 2 ஸ்பூன் உளுத்து வறுத்து பொடியாக்கி சேர்த்து மாவு பிசைந்து, கொழுக்கட்டை சுட்டால் விரிசல் ஏற்படாது கொழுக்கட்டை மிருதுவாக இருக்கும்கொழுக்கட்டை செய்யும் போது பூரணத்திற்கு வெல்லப்பாகு தாயாரித்த பின், அதை வடிகட்ட வேண்டும் .அதிலிருக்கும் மண் நமது கொழுக்கட்டை சுவையையே பழாக்கிவிடும்.
அப்பளம் வாங்கி வந்தவுடன் அதன் மேல் உள்ள மாவை இரண்டு பக்கமும் காட்டன் துணி வைத்து துடைத்து விட்டு ,அதை நான்கு துண்டுகளாக்கி ,பிளாஸ்டிக் கவரில் ஸ்டோர் செய்து வைத்துக் கொண்டால் ,அப்பளம் பொரிக்கும் போது எண்ணெய் மிகவும் குறைவாக வைத்து பொரித்து எடுத்து விடலாம். இதனால் மீதி மிகக் குறைந்த அளவே எண்ணெய் இருக்கும். இதை வறுவல் செய்யும் போது பயன்படுத்தி விடலாம் ( அல்லது ) தாளிக்க பயன்படுத்தலாம். அப்பளம் பொரித்த பிறகு எண்ணெய் "சில அப்பளத்தின் மேல் நிறைய இருக்கும். இதற்கு எண்ணெய் நன்கு காய்ந்த பிறகு (அப்பளத்தின் நுனியில் சிறிது பிய்த்து எண்ணெய்யில் போட்டால் உடனே மேலே வந்து விடும்.) அப்பளம் பொரித்து எடுத்தால் எண்ணெய் இருக்காது.டப்பாவில் வைத்த அப்பளம், வடகம் போன்றவை நொறுங்கி தூளாகிவிட்டால் அந்த துண்டுகளை எடுத்து பஜ்ஜி மாவில் போட்டு கலந்து பொரித்து எடுத்தால் ருசி நன்றாக இருக்கும். பொருட்களும் வீணாகாது.
சாதா தோசை கல்லில் தோசை சுடும் போது தோசை சுடுவதற்கு முன் சிறிதளவு எண்ணெயும் உப்பும் கலந்து தேய்த்து கழுவிபிறகு தோசை சுட்டால் தோசை நன்றாக வரும் என்னையும் அதிகமாகதேவைப்படாது.தேங்காய் துருவலுடன் ஊற வைத்து அரைத்த வேர்க்கடலை சேர்த்து தேங்காய் பர்பி செய்தால் பர்பி சுவையாக இருக்கும்.முள்ளங்கி சாம்பார் செய்யும் பொழுது முள்ளங்கியை எண்ணெய்யில் வதக்கி விட்டு பின்பு சாம்பாரில் சேர்த்தால் முள்ளங்கியின் சுவை அருமையாக இருக்கும். மோர் குழம்பு செய்து இறக்கும் பொழுது சிறிதளவு தேங்காய் எண்ணெய் ஊற் ஊற்றி இறக்கினால் குழம்பு ருசியாக இருக்கும்.பருப்பு வேகவைக்கும் பொழுது சிறிதளவு நெய் ஊற்றி வேக வைத்தால் பருப்பு விரைவில் வேகும், குழம்பில் தனி ருசி கூடும்.
மஞ்சள், உப்பைக் கலந்து சமையல் அறையில் தூவினால் இடுக்களில் ஒளிந்திருக்கும் கிருமிகள் முற்றிலும் அகலும்.நொச்சி இலையை சமையல் அறையில், பரப்பி வைத்தால் கொசுக்கள் அண்டாது.2 கப் வினிகரை ஒரு ஸ்பூன் யூகலிப்டஸ் எண்ணெய்யுடன் சேர்த்து, அதை ஒரு கப் குளிர்ந்த நீரில் கலந்து சமையல் அறையில் ஸ்ப்ரே செய்தால் கரப்பான் பூச்சிகள் வராது.எண்ணெய் பாட்டில் வைக்கும் தட்டில் (tray ) ஒரு காட்டன் துணி அடியில் போட்டால் ஒரு வாரம் கழித்து ஜன்னல், இரும்பு பொருள் துடைக்க பயன்படுத்தலாம்.பிழிந்த லெமன் மூடி இருந்தால் அதில் உப்பு தொட்டு அடுப்பு, விளக்கை தேய்த்தால் பளபளப்பாக இருக்கும்.
ஊறுகாய் நீண்ட நாட்கள் கெடாமல் இருக்க கண்ணாடி பாட்டிலில் போட்டு வைத்தால் நீண்ட நாட்கள் கெ டாமல் இருக்கும்ஊறுகாய் பாட்டிலில் போடும் ஸ்பூன் சில்வர் போட்டு வைத்தால் துருபிடிக்கும். இதற்கு மரக்கரண்டி அல்லது பிளாஸ்டிக் போட்டு பயன்படுத்தலாம்.எலுமிச்சம் பழம் நீண்ட நாட்கள் கெடாமல் இருக்க ஒரு டப்பாவில் போட்டு ப்ரிட்ஜில் வைத்து விட்டு பயன்படுத்தினால் நீண்ட நாட்களுக்கு வரும்.உருளைக்கிழங்கு சிப்ஸ் செய்யும் பொழுது சிறிதளவு பயத்தம் பருப்பு மாவு தூவி எண்ணெய்யில் பொரித்தால் சிப்ஸ் மொறுமொறுப்பாக இருக்கும்.இட்லி பொடி அரைக்கும் பொழுது கறிவேப்பிலை சேர்த்து வறுத்து அரைத்தால் பொடி ருசியாக இருக்கும். முடிகொட்டுவது சரியாகும்.
ஏலக்காயை பொடிப்பதற்கு முன்பு அடுப்பில் வெறும் வாணலியில் ஏலக்காயை போட்டு வறுத்து எடுத்து சிறிது சர்க்கரை சேர்த்து பொடித்தால் நன்கு பொடியாகும்.ஏலக்காய் பொடியை சூப், இனிப்பு வகைகள், களி, அரிசி உணவுகள், பூரி போன்றவற்றில் சேர்க்கலாம். நீங்கள் வீட்டில் தயாரிக்கும் அரிசி புட்டு, ஐஸ் கிரீம், பழக்கூழ், பழ சாலட் போன்றவற்றின் மீது தூவலாம்.நூடுல்ஸ் செய்யும்போது தண்ணீர் கொதித்ததும் முதலில் மசாலாவை போட்டு அது நன்றாக கரைந்த பிறகு நூடுல்ஸ் சேர்த்தால் மசாலா ஒரே சீராக நூடுல்ஸ் முழுவதும் பரவி இருக்கும்.கடலைப் பருப்பு வடை செய்வது போல் காராமணி வடையும் செய்யலாம்.அரைகப் காராமணியை அரைமணி நேரம் ஊறவைத்து அதில் ஒரு வெங்காயம் பொடியாக நறுக்கி சேர்த்து அரை ஸ்பூன் சோம்பு, இரண்டு பச்சை மிளகாய், தேவைக்கேற்ப உப்பு ஆகியவற்றையும் சேர்த்து, அரைத்து வடை சுட்டு, சுடச்சுட சாப்பிட்டால் சுவையாக இருக்கும்.அடைமாவு அரைக்கும் போது, அரை கப் சிறு பயறு, கால் கப் வேர்க்கடலை சேர்த்து செய்தால், ருசியாக மட்டுமல்லாமல் சத்தாகவும் இருக்கும்.
ஊறுகாய் செய்யும் பொழுது எண்ணையை சூடாக்கி ஆறிய பின்பு ஊறுகாயில் ஊற்றினால் ஊறுகாய் நீண்ட நாட்கள் வீணாகாமல் நன்றாக இருக்கும். முட்டை வேக வைக்கும் பொழுது அதில் கொஞ்சம் உப்பு சேர்த்து வேக வைத்தால் உரிக்கும் பொழுது ஈசியாக உரிக்கலாம்.நார்ச்சத்து உள்ள கொத்தவரங்காயை பருப்பு, வெங்காயம் சேர்த்து பொரியலாக உணவில் சேர்த்துக் கொள்வது உடல் ஆரோக்கியத்துக்கு உதவும்.பொன்னாங்கண்ணி கீரையை நறுக்கி வெங்காயம், தேங்காய், பூண்டு சேர்த்து பொரியலாக உணவில் சேர்த்துக் கொள்வது கண்பார்வை ஆரோக்கியத்துக்கு பெரிதும் உதவும்.நார்ச்சத்து நிறைந்தது வாழைத்தண்டு. நார் எடுத்து சுத்தம் செய்து பொடியாக நறுக்கி நன்றாக கழுவி விட்டு பொரியலாக செய்து உணவில் சேர்த்துக் கொள்வது உடல் ஆரோக்கியத்துக்கு நல்லது .
